Guðlaugur Sveinbjarnarson, prestur

Séra Guðlaugur SveinbjarnasonSéra Guðlaugur Sveinbjarnarson. Fæddur 9. september 1787. Dáinn 7. mars 1874.

Foreldrar: Sveinbjörn Holt Arnórsson, Jónssonar sýslumanns í Belgholti og kona hans Helga Guðlaugsdóttir, Sveinssonar prests í Vatnsfirði, ólst að mestu upp hjá móðurföður sínum séra Guðlaugi í Vatnsfirði.

Kona 1: 26. október 1809, Karitas, fædd 1777, dáin 8. júní 1829, Þorbjarnardóttir gullsmiðs á Lundum í Borgarfirði.

Börn: Sigurður Guðlaugsson silfursmiður að Brekku í Norðurárdal. Elísabet Guðlaugsdóttir, átti Jón Snorrason að Kálfalæk. Málmfríður Guðlaugsdóttir, átti Odd Jónsson söðlasmið að Fróðhúsum.

Kona 2: Rannveig, dáin 30. október 1860, Guðmundsdóttir frá Hróksholti. Barnlaus.

Kona 3: 1. maí 1862, Halldóra, fædd 1804, dáin 21. desember 1889, Jónsdóttir, Jónssonar prests í Reykholti. Barnlaus

Séra Guðlaugur brautskráðist úr heimaskóla hjá Geir biskupi Vídalín 1807. Bjó á Strandseljum 1809-15. Vígðist aðstoðarprestur séra Þorláks Jónssonar á Snæfjöllum 1815. Fékk Stað í Aðalvík 1817 og fluttist þangað 1818. Fékk Staðarhraun 1826, Hvamm í Norðurárdal 1848, lét af prestsskap 1854 og bjó síðan að Kvíum og Grímsstöðum í Reykholtsdal. Hann var sagður glaðlyndur fjörmaður, alldrykkfeldur.