Árni Kláusson, prestur
Séra Árni Kláusson. Um 1610-1673. Foreldrar: Kláus lögsagnari Eyjólfsson að Hólmum í Landeyjum og kona hans Ingibjörg Þorleifsdóttir, Ásmundarsonar.
Kona 1: Ingibjörg Þosteinssonar prests á Stað í Aðalvík dáin 1652. Börn þeirra: Ólafur lögréttumaður á Höfðaströnd (fæddur um 1649), Jórunn (fædd um 1651), Margrét átti Odd Jónsson.
Kona 2: Gróa Einarsdóttir fædd um 1628. Börn þeirra: Kristóin, Vilborg fædd um 1658, átti fyrr Brynjólf Ásmundsson, lögréttumann að Ingjaldshóli, en síðar Þorgeir Illugason í Hallsbæ.
Tekinn í Skálholtsskóla 1630 og varð stúdent þaðan. Vígðist 1637. Þjónaði Hvalsnesi um tíma. Gerðist sveinn Brynjólfs byskups Sveinssonar. Varð um 1644 aðstoðarprestur Þorsteins Jónssonar á Stað í Aðalvík og fékk prestakallið eftir hann. Eftir lát Ingibjargar 1652 fékk hann leyfi til að skipta við séra Árna Loptsson og tók við Þykkvabæjarklaustursprestakall 1653.
En er til kom, varð síra Árni Loptsson óánægður með skiptin og sakaði (1654) nafna sinn um að hafa skilið illa við staðinn. Það hrakti síra Árni Kláusson með vitnisburði sinna fyrri sóknarmanna í Aðalvík og varð ekki meira af.[1]
Íslenzkar æviskrár frá landnámstímum til ársloka 1940, 1. bindi, bls. 59
