Hesteyri

Ábúendur

Bjarn Jónsson

Bjarni Jónsson, Hesteyri

Jón Ólafsson

Jón Ólafsson, Hesteyri

Þóra Sigmundsdóttir

Þóra Sigmundsdóttir. Fædd um 1659.

Hún bjó á Langavelli á Hesteyri 1703 og var þá ekkja. Stjúpsonur hennar var Jón Þorvaldsson fæddur um 1684.

Guðrún Oddsdóttir

Guðrún Oddsdóttir. Fædd um 1644.

Hún var annar ábúandiinn á Langavelli [á Hesteyri] 1703 og var þá ekkja.

Börn: Guðmundur Jónsson bóndi á Látrum og víðar. Guðríður Jónsdóttir, fædd um 1684. Dóróthea Jónsdóttir, fædd um 1687.

Bjarni Jónsson

Bjarni Jónsson. Fæddur um 1678. Var á lífi 1735. Faðir hans var Jón Ólafsson bóndi á Hesteyri. Um móður hans er ekki vitað.

Bjarni átti hluta í Hesteyri og mun hann hafa fengið hann í arf eftir föður sinn. Ekki er vitað hver kona hans var, nú um börn hans. Komið gæti þá til greina, að Jón Bjarnason á Hesteyri hefði verið sonur hans, en það er aðeins ágizkun. Bjarni var orðinn bóndi á Hesteyri 1710 og bjó þar til 1735. Hvort hugsazt gæti, að hann væri Bjarni sá Jónsson, sem sagt er um að síðast hafi búið í Fljóti og var maður Elínar Þórarinsdóttur, sjá Tungu, skal ekki um sagt.

Jón Jónsson

Jón Jónsson, Látur

Ásgrímur Jónsson

Ásgrímur Jónsson, Stakkadal

Málfríður Þórarinsdóttir

Málfríður Þórarinsdóttir. Hún bjó ekkja á Hesteyri 1753. Líklega hefur hún verið systir Elínar Þórarinsdóttur ekkju Bjarna Jónssonar í Tungu. Hver maður Málfíðar hefur verið er ekki vitað.

Jón Kolbeinsson

Jón Kolbeinsson, Hesteyri

Olifer Bjarnason

Olifer Bjarnason. F. um 1710. Var á lífi 1762.

Ekki er vitað hverjir foreldrar hans voru.

Börn: Jón Olifersson bóndi í Reykjarfirði á Ströndum og í Bolungarvík á Ströndum. Ingunn Olifersdóttir, var vinnukona í Rekavík bak Látur 1801 og sögð gift. Maður hennar mun hafa verið Þorsteinn Guðmundsson og sonur þeirra Olifer Þorsteinsson, sem var vinnumaður á Látrum 1801.

Olifer Bjarnason bjó á Sæbóli 1735. Bóndi á Hesteyri 1756-1760. Bóndi í Hlöðuvík 1762. Eftir það er ekki um hann vitað.

Gísli Bjarnason

Gísli Bjarnason, Látrum

Ragnhildur Oddsdóttir

Ragnhildur Oddsdóttir. Trúlega hefur hún verið dóttir Odds Jónssonar á Sléttu. Hún bjó ekkja á Hesteyri 1762.

Jón Bjarnason

Jón Bjarnason, Hesteyri

Þórður Jónsson

Þórður Jónsson, Hesteyri

Sigurður Jónsson

Sigurður Jónsson. F. um 1750. Var á lífi 1810.

Um foreldra hans er ekki vitað.

Sigurður var tvíkvæntur. Hver fyrri kona hans var er ekki vitað. Dóttir þeirra var Sigríður Sigurðardóttir, vinnukona í Miðvík 1816.

Seinni kona Sigurðar var Guðrún Einarsdóttir, f. um 1751.

Börn: Kristín Sigurðardóttir. Guðmundur Sigurðsson. Hann var vinnumaður hér og þar í sveitinni, kvæntist ekki, en honum eru kennd ein fjögur börn.

Sigurður Jónsson bjó á Hesteyri 1785-93. Bóndi í Stakkadal 1793-1806 eða lengur. Bóndi í Hælavík 1810, en horfinn úr bændatölu 1811.

Guðbjörg Jónsdóttir

Guðbjörg Jónsdóttir. Fædd um 1758. Var á lífi 1816.

Hún var dóttir Jóns Kolbeinssonar á Hesteyri. Hún átt fyrr þann mann, er Bjarni hét. Ef til vill hefur það verið sá Bjarni Þórðarson, sem var þingvottur á Sléttu.

Sonur þeirra var Andrés Bjarnason, fæddur um 1777. Hann var vinnumaður hjá móður sinni 1801, en eftir það er ekki um hann vitað.

Guðjbörg bjó ekkja á Hesteyri 1787-88, er hún giftist Eyjólfi Snjólfssyni.

Sölvi Guðmundur Sigurgeir Betúelsson

Sölvi Guðmundur Sigurgeir Betúelsson. Fæddur 30. janúar 1893

Foreldrar: Betúel Betúelsson þá verzlunarmaður á Hesteyri, síðar bóndi og verslunarstjóri í Höfn og kona hans Anna Jóna Guðmundsdóttir.

Kona: 25. október 1938, Sigrún, fædd 22. september 1905, Bjarnadóttir, Dósóþeussonar á Látrum. Hún ólst upp á Hesteyri hjá Guðbjari Guðmundssyni og konu hans. Barnlaus.

Sölvi var lengi formaður á útvegi föður síns í Höfn. Hann var sigmaður í fjölda ára og varð fyrstur til þess að nota herhjálm til varnar gegn grjótkasti við bjargsig.

Sölvi bjó á Hesteyri 1938-52 og var síðasti hreppstjóri og oddviti hreppsins. Hann fluttist manna siðastur úr hreppnum. Búsettur í Bolungarvík eftir að hann fluttist frá Hesteyri.