Jósteinn Jónsson, Tungu

Jósteinn Jónsson. Fæddur 6. október 1815. Dáinn 17. júní 1876.

Um foreldra Jósteins er ekki vitað, og hvílir nokkur dul yfir uppruna hans. Hann fæddist á Hesteyri og Árni Halldórsson á Látrum tók hann í fóstur á fyrsta ári, hvort sem hann hefur átt einhverjar skyldur gagnvart barninu eða ekki. Við fermingu er ekkert sagt um foreldra hans, en fram tekið, að hann hafi alizt upp hjá Árna á Látrum.

Kona: 15. sept. 1844, Hildur Ólafsdóttir, ekkja Hjálmars Jónssonar í Kjaransvík. Börn: Guðni Jósteinsson bóndi á Atlastöðum. Herdís Jósteinsdóttir, fædd 16. febrúar 1853, dáin 21. október 1921, fór ung til Bolungarvíkur og átti heima vestra eftir það, giftist ekki, en mun hafa verið ráðskona um skeið.

Jósteinn var bóndi í Kjaransvík 1844-1852. Bóndi í Tungu 1853-1873 og síðar húsmaður til dánardags. „Greindur, hegðun ýmisleg“

Í manntali 1816, ári eftir að Jósteinn fæðist búa 3 Jónar á Hesteyri

• Jón Jónsson 25 ára, sonur Ragnhildur Einarsdóttir, húsmóður og ekkju.
• Jón Jónsson 37 ára, húsbóndi.
• Jón Jónsson 24 ára, vinnupiltur Jón Jónssonar húsbónda.