Efri Miðvík

Eiríkur Jónsson

Eiríkur Jónsson. Fæddur um 1666. Dánarár ókunnugt. Hann hefur líklega verið sonur Jóns Guðmundssonar, sem bjó Efri Miðvík 1661.

Kona Eiríks var Hallbjörg Jónsdóttir, fædd um 1665.

Börn: Ástríður Eiríksdóttir, f. 1694, Guðrún Eiríksdóttir, f. 1697. Halldóra Eiríksdóttir, f. 1699, Margrét Eiríksdóttir, f. 1701, Kristin Eiríksdóttir, f. 1703.

Eiríkur bjó í Efri Miðvík 1703, en eftir það er ekki um hann vitað.

Jón Þorbjörnsson

Jón Þorbjörnsson. Fæddur um 1672. Var á lífi 1735.

Kona: Guðrún Jónsdóttir, fædd um 1661.

Börn: Kolbeinn Jónsson bóndi í Rekavík bak Látur. Ingibjörg Jónsdóttir, fædd um 1699. Sigríður Jónsdóttir, fædd 1700.

Jón Þorbjörnsson bjó í Efri Miðvík 1703. Bóndi i Stakkadal 1710. Aftur bóndi í Efri Miðvík 1735 og hefur trúlega látizt þar.

Þorlákur Guðbrandsson

Þorlákur Guðbrandsson, Efri Miðvík, sýslumaður. Fæddur um 1672-3. Dáinn í október 1707.

Foreldrar: Guðbrandur sýslumaður Arngrímsson (hins lærða) og kona hans Ragnheiður Jónsdóttir.

Kona: Helga, fædd um 1670, dáin 1707, Bjarnadóttir prests á Höskuldsstöðum.

Börn: Hannes Þorláksson prestur á Staðarbakka. Gunnar Þorláksson í Hlemmiskeiðshjáleigu á Skeiðum. Bjarni Þorkláksson. Elísabet Þorláksdóttir, átti Þorkel Magnússon.

Þorlákur Guðbrandsson lærði í Hólaskóla, fór síðan utan og var við nám í Hafnarháskóla. Var lögsagnari Páls Vídalíns í Dalasýslu, en fékk norðurhluta Ísafjarðarsýslu 15. júlí 1700. Varð að segja upp sýslunni 24. júní 1707. Þau hjón dóu bæði í bólunni.

Þorlákur sýslumaður var skáld. Eftir hann er fyrri hluti Úlfarsrímna.

Þorlákur bjó í Súðavík 1701-1704. Hann fékk umboð Aðalvíkurjarða 2. september 1703 og hefur trúlega flutt í Miðvík vorið 1704. Hann hefur sjálfsagt búið í Efri Miðvík, þótt yfirleitt sé hann kenndur við „Miðvík“. Kann og að vera að hann hafi haft báðar jarðirnar til afnota, en þær voru konungsjarðir. Árið 1710 var Efri Miðvík í eyði og sögð í eyði síðan í bólunni.

Guðmundur Jónsson

Guðmundur Jónsson, Látrum

Ólafur Ólafsson

Ólafur Ólafsson. F. um 1770. D. 13. júní 1843.

Foreldrar: Ólafur Einarsson þá bóndi í Tungu, síðar á Látrum og kona hans Vigdís Þórðardóttir.

Kona 1: Margrét Björnsdóttir, d. 6. ág. 1829.

Börn: Þeófílus Ólafsson bóndi á Látrum. Rannveig Ólafsdóttir átti Jóhannes Jóhannesson bónda í E. Miðvík. Dagbjört Ólafsdóttir giftist ekki. Salbjörg Ólafsdóttir, seinni kona Árna Halldórssonar hreppstjóra á Látrum. Hildur Ólafsdóttir, átti fyrr Hjálmar Jónsson bónda í Kjaransvík, síðar Jóstein Jónsson bónda í Tungu.

Kona 2: 16. nóv 1829, Ragnhildur, d. 5 maí 1852, Aradóttir, Skordals prests á Stað í Aðalvík. Þau barnlaus.

Ólafur Ólafsson var húsmaður á Stað 1793. Bóndi í E. Miðvík 1797. Bóndi á Látrum 1801. Bóndi í Hlöðuvík 1805-12. Bóndi á Læk 1812-36. Var búsettur á Látrum 1836-43. Mun hafa verið sæmilega efnaður.

Rósinkar Rósinkarsson

Rósinkar Rósinkarsson. F. 19. september 1832. D. 22. september 1883.

Foreldrar: Rósinkar Mikaelsson bóndi í Kjaransvík og kona hans Ingibjörg Ísleifsdóttir.

Kona: 18. sept. 1862, Svanborg, f. 4. maí 1838, d. 13. janúar 1914, Friðriksdóttir Hallssonar í N. Miðvík.

Börn: Jóna Rósinkransdóttir, giftist ekki. Guðmundur Rósinkransson, drukknaði ókvæntur. María Rósinkransdóttir, giftist ekki. Svanfríður Rósinkransdóttir, d. 22. okt. 1907, ógift. Guðbjörg Rósinkransdóttir, átti Jónas Elíasson Ísafirði.

Barn Svanborgar áður en hún giftist með Jóhannes Jóhannessyni Jóhannes Jóhannesson. Kvæntist ekki.

Rósinkar var húsmaður og bóndi í Efri-Miðvík 1864-66. Bóndi í Hlöðuvík 1866-67. Bóndi í Hælavík frá 1867 til æviloka.

Valdimar Þorbergsson

Valdimar Þorbergsson. Fæddur 14. nóvember 1906.

Foreldrar: Þorbergur Jónsson bóndi í Efri Miðvík og seinni kona hans Oddný Finnbogadóttir.

Kona 26. marz 1932, Ingibjörg, f. 19. sept. 1908, Bjarnadóttir, Bjarnasonar úr Flatey, þá búsettur í Búðardal, Dalasýslu.

Börn: Héðinn Breiðfjörð Valdimarsson, f. 27. febr. 1933, stýrimaður á Ísafirði, ókv. Birgir Breiðfjörð Valdimarsson, f. 30. júlí 1934, flugumferðarstjóri á Ísafirði, kvæntur Maríu Erlu Eiríksdóttur úr Keflavík. Birna Unnur Valdimarsdóttir, f. 28. febrúar 1936, kona Heiðars Guõmundssonar rafvirkjameistara á Ísafirði.

Valdimar Þorbergsson var bóndi í Efri Miðvík 1935-44. Bóndi á Sæbóli 1944-47. Þaðan fluttist Valdimar til Ísafjarðar. Efri Miðvík fór í eyði við burtflutning þeirra bræðra, Sölva og Finnbjarnar Þorbergssonar.