Neðri Miðvík

Sunnan við Stakkadal gengur Mannafjall í sjó fram, og heitir Kleif klettur vestan í þvi, er farið er undir milli Látravikur og Miðvíkur. Er þar tiltölulega greiðfær leið nema á háflóði, þá verður að vaða þar djúpan vikurskafl í allmiklum bratta. Sunnan Mannafjalls opnast Miðvík og nær að Hvarfnúpi (341 m), sem heldur að henni að sunnan. Víkin er allstór og grösug, en nokkuð votlend fyrir miðju. Upp úr botni hennar er farið á fjallveginn til Hesteyrar. Þar er allbratt að fara, en þó greiðfært með hesta. Margir lækir renna í botn víkurinnar og koma saman i einn ós, Miðvíkurós, er rennur til sjávar eftir víkinni norðanverðri. Tveir bæir voru í vik þessari, Neõri Miðvík undir Mannafjalli norðan óssins, spölkorn innan við Kleif, og Efri Miðvík norðan undir Hvarfnúp, allmiklu innar, í víkinni. Frá Neðri Miðvík inn með ósnum er gott land og grasgefið, en er talsvert spillt af grjóthruni úr Mannafjalli.

Miõvik er nefnd í Sturlungu í sambandi við hefndarför Órækju Snorrasonar til Aðalvíkur vorið 1235, en ekki er þar getið byggðar í víkinni. Elzta heimild um byggð er margnefnd skrá um jarðir Vatnsfjarðar-Kristínar frá 1458. Þar eru greindar jarðirnar „miduik“ og ,„nedri midvik“. Í öðru bréfi frá sama ári eru taldar jarðir Kristínar, þar eru Miõvikur nefndar „efri midvik“ og „auNr miduik“. Um elgnarhald þeirra er sama að segja og um aðrar konungsjarðir (sjå Atlastaði). Þjóöjörðin Neðri Miðvík var seld ábúendum árið 1894. Kristján Jónsson keypti aőra hálflenduna fyrir 300 kr. út í hônd. afsalsbréf dagsett 19. marz 1894, og Halldór Þeófilusson keypi hina fyrir sama verð, afsalsbréfið dagsett 21. apríl 1894.

Dýrleiki og afgjald.

Svo segir i skrá um jarðir Vatnsfjarðar-Kristínar:

nedri midvik viij hundrud oc ij kugilldi oc luktar fiorartigi alner fyrir fram j landskylld.

Fornt mat jarðarinnar hefur síðan engum breytingum tekio, svo a vitað sé. 1541 hefur tala kúgilda verið óbreytt, en landskuld verið 80 álnir. Í reikningum Eggerts lögmanns Hannessonar frá 1570 er landskuld óbreytt, en kúgildi breytt úr 2 kúm í 7 ær, þ.е. púmlega 1 kúgildi. Svo segir þar orörétt:

Jtem med nedre Miduik vij ær og hefr Gudmundur sa þar byr bær allar landskylld af þessare Jordu lxxx alner.

Arið 1681 var landskuld 80 álnir og tvö kúgildi. Jarðabók 1710 hefur þetta að segja:

Landskuld xx álnir, næstliðið ár xl álnir, fyrir bóluna Ix álnir,

hjer um áður fyrir 15 eður 16 árum lxxx álnir. Betalast með fiski í kaupstað. Leigukúgildi ii, og svo hefur lengi verið. Leigur

betalast í smjöri til umboðsmanns innan hjeraðs. Kvaðir öngvar.

Ariö 1753 hefur landskuld verið 2 vættir, en kúgildi aðeins hálft. 1788 hefur jörðin verið metin til 40 ríkisdala af umboðsmanni, landskuld 1 rd. 86 sk. og kúgildi enn hálft. Við nýja jarðamatið 1849 var hvert hundrað metið á 21 rd., alls 168 rd. Kúgildi var þá áætlað eitt. Heildarmat jarðarinnar við fasteignamat 1942 var 4400 kr., þar af 2300 í landi og 2100 í húsum.

Landkostir.

Jarðabók 1710:

Fóörast kann ii kýr, x ær, vi lömb, i hestur. Torfrista og stúnga

Jk og sendin. Móskurõur til eldiviðar nægur. Lýngrif lítiő til tróös og eldiviðar. Rekavon litil sem áður segir um Efri Miðvik. Tininu grandar sandfok til stórrar spillíngar. Enginu grandar satn, sem jetur úr rótina. Hætt er kvikfje sem áður segir um Efri Miövík. Kirkjuvegur lángur og óbærilega torsóktur fyrir Hyrníngsgötu, sem áður segir um Miðvík efri. Hreppamannaflutningur og so lángur og torsóktur á báðar hendur sidan Efri Miövik lagðist i eyði. Heimræði er hjer valla teljandi, og mun

lakari lendíng en áður segir um Efri Miövik.

Sóknalýsingar 1847:

Túnið í meðallagi, gengur af sér af sandi. Uthey er þar furba

létt og heyvegur slæmur. Mótak er sótt upp í Efri Miðvik, langa leið. Utigangur er þar í minna lagi. Vestan og hánorðan áttar gætir þar litið, en austnyrðingar koma þar ógnarlegir. Sjóre

þar sóttur sjaldan og með mannhættu sakir brima.

Þessar lýsingar finna jörðinni margt til foráttu. Í svipaða átt gengur umsögn matsmanna frá 1849, en þeir mátu jörőina, sem fyrr segir, minna en að meðallagi:

Óhægö til sjóar, sandágangur og dáðleysi heyja spilla jörö þessart

Ábúð og afkoma.

Ekki er nein heimild um, að Neðri Miðvik hafi nokkru sinni fari i eyði fyrr á öldum. Tvíbýli hefur verið þar 1681, svo hefur en verið 1703, og 10 manns áttu þar þá heima. 1710 hefur þó adeins verið þar einn ábúandi. Árið 1735 hafa tveir bændur búið í „Midvig og virðist sennilegast, að það sé Neðri Miðvík, því að Efri Miõvik lagðist í eyði í stóru bólu 1707. Árið 1762 hefur enn verið tvibýii í Neðri Miðvík og 12 manns haft þar heimili. Ārið 1787 var aðeins einn ábúandi á jörðinni, og hélzt það lengst af fram til 1847, en síðan voru þar jafnan tveir ábúendur til ársins 1947. Þá fluttist annar þeirra í burtu og hinn, síðasti ábúandi þar, 1948.

Bústofn: Ár Abúendur Fólksfj. Nautgripir Sauofé Hross 1710: 1 5 18 1 1787: 1 6 2 18 1 16 1790: 1 8 3 1 15 1795: 1 9 3 1 24 1805: 1 7 2 1 80 1810: 1 7 2 50 1815: 2 12 3 1 28 1821: 1 8 3 Sléttul 208 NEDRI MIDVÍK 1 10 1835: 3 1 11 26 3 1831: 1 11 27 2 3 1835: 1 8 20 1 2 1841: 1 2 13 16 1847: 4 1 2 15 39 1850: 5 1 2 19 27 1855: 2 2 31 2 23 1860: 4 2 22 2 19 1865: 2 3 4 2 15 1870: 2 2 8 2 19 1874: 3 1 12 2 15 2 1880: 4 25 2 13 3 1885: 4 43 2 11 4 1890: 3 28 2 18 1 1895: 6 36 3 1900: 2 18 5 45 2 19 3 1905: 5 46 2 2 19 1910: 7 64 3 2 22 1914: 6 66 3 1942 (meðalt. 5 ára): 5 55 3 Túnstærð og heyfengur: Tún dagsláttur Taða hestar Üthey hestar Ár 8 20 60 1885: 4 17 190 1890: 4 18 287 1895: 4 31 210 1900: 4 30 300 1905: 1942 (meбalt. 5 ára): 98 210 Skipa- og bátaeign: Tein- og Sex- og Minni Ár áttæringar fjögramannaför bátar 1 1787: - 1 1790: 1 1795: 1 1805: 4 1 1810: 13 2 1815: 1 1 1821: - 1 1825: 1831: 1835: 1 1 1 Sléttuhreppur - 14 209 SLETTUHREPPUR 1841: 1847: 1850: 1855: 1874: 1880: 1895: 1905: 1 2 1 2 1 - 11 1 - 1/2 - 2 1/22 1 1 1 Fisk- og fuglafli: Ar Stórf. Smáf. Ysa Aðrar fiskt. Svartf. 1898: 200 1200 160 15 100 1899: 300 700 20

Við ofangreindar skýrslur er litlu að bæta. Ætla má, að afkoma hafi að jafnaði verið sæmileg, bűstofn er ætíð nokkur, og skipaeiga sýnir, að sjór hefur verið sóttur nokkuð fast. Þó virðist einhver afturkippur hafa komið í sjósókn Neõri Miövíkurmanna fyrir siõustu aldamót, skip hafa ekki verið tíunduð þar 1885 og 1890. Og áris 1897 hefur enginn bátur verið gerður út frá Neöri Miðvík, því að hans er ekki getið í aflaskýrslu frá því ári. Á sama tíma hefur skepnum fjölgað nokkuð, en þó varla svo, að bændur hafi getað lagt útgerð niður. Líklegast er, að þeir hafi stundað útróðra þeim mun meir sem útvegur blómgaðist annars staðar, einkum á Látrum, Sæbóli og i Skáladal. Ekki er ýkjalangt að fara til þessara staða, og frá Látrum a.m.k. gengu Miðvíkingar alltaf heim daglega, þegar þeir reru þaðan.

Óhætt virðist að álykta, að bændur hafi að jafnaði komizt sæmilega af 1 Neðri Miõvík. Þegar bændurnir Kristján Jónsson og Halldór Þeófílusson keyptu jöröina 1894, greiddi Kristján verðið út í hönd. Halldór inni. greiddi 112 kr., en fékk afganginn að láni gegn veði í jör Þeir hafa þpví alls ekki verið illa stæðir. Tvær skiptageröir frá árinu 1862 benda og til góðrar afkomu á jörðinni. Đá hafa búớ veriö á jörðinni bræðurnir Árni og Friðrik Jónssynir. En dauðinn hefur verið tíður gestur i Neðri Miðvík það ár. Steinunn, kona Arna, dó 14. maí, Júdit Jónsdóttir, kona Friðriks, 22. febr. 1861 og Arni sjálfur 15. júlí. Dánarbú Arna og Steinunnar var virt á 254 rd. 53½ sk., en dánarbú Júditar 615 rd. 80 sk., þar af 6 hndr. í jörðinni Breiðdal, virt á 240 rd. Kýr var þå metin á 32 ríkisdali.

Um húsakynni í Neðri Miövik nægir að visa til þess, sem aður segir um aðrar konungsjarðir, þeim hefur hrakað mjög frá 18du til 19du aldar.

Siðustu bæjarhús í Neöri Miðvik voru ólík, annað var torfbær, kominn mjög að hruni sumarið 1964, hitt hefur verið vandað, steypt að nokkru, en að ööru leyti úr timbri, og stóð það enn 1964.

Ábúendur

• Sögulegt mann- og bæjatal, Neðri Miðvík

Einar Jónsson

Einar Jónsson. Fæddur um 1651. Dánarár óvíst.

Kona: Guðrún Pálsdóttir

Börn: Guðrún Einarsdóttir, fædd um 1685. Mildríður Einarsdóttir, fædd um 1686. Páll Einarsson, fæddur um 1681.

Einar bjó í Neðri Miðvík 1681-1703. Ekki er vitað um hann eftir það. Í Hlöðuvík bjó 1735 Einar Jónsson, hefði það verið Einar í Miðvík hefði hann átt að vera kominn yfir áttrætt, svo heldur er ótrúlegt að um sama mann sé að ræða.

Jón Vitusson

Jón Vitusson. Fæddur um 1642. Dánarár ókunnugt. Hann var bóndi í Neðri Miðvík 1703, en ekki er vitað um hann eftir það.

Kona hans var Herdís Jónsdóttir.

Dóttir þeirra var Ástríður Jónsdóttir.

Tómas Einarsson

Tómas Einarsson. Fæddur um 1683. Dánarár ókunnugt.

Hann var vinnumaður á Svarfhóli í Álftafirði 1703, en var orðinn bóndi í Neðri Miðvík 1710. Óvíst er hve lengi hann bjó þar.

Þorlákur Halldórsson

Þorlákur Halldórsson. Fæddur um 1693. Líklega dáinn 1753.

Foreldrar: Halldór Gunnlaugsson, Látrahúsum, og kona hans, Guðlaug Bjarnadóttir.

Sonur Þorláks mun hafa verið Benedikt Þorláksson í Neðri Miðvik.

Þorlákur bjó í Neðri Miðvík 1735.

Guðlaugur Ísleiksson

Guðlaugur Ísleiksson. Fæddur um 1710. Dánarár ókunnugt.

Hann var sonur Ísleiks Eiríkssonar í Þverdal.

Sonur Guðlaugs var Jón Guðlaugsson hreppstjóri í Neðri Miðvík.

Guõlaugur Ísleiksson bjó í Neðri Miðvík 1760 og mun hafa búið þar fram um 1770.

Benedikt Þorláksson

Benedikt Þorláksson. Fæddur um 1728. Dáinn fyrir 1787.

Hann mun hafa verið sonur Þorláks Halldórssonar.

Í bændatalinu 1762 er Benedikt talinn eiga fjögur börn, þrjár dætur og einn son. Ekki er með vissu hægt að segja, hver þau hata verið En líkur benda til þess, að þau hafi verið þessi: Porsteinn Benediktsson á Látrum. Ingibjörg Benediktsdóttir kona Halldórs Bjarnasonar hreppstjóra á Látrum. Kristín Benediktsdóttir kona Halldórs Tómassonar á Læk og Rebekka Benediktsdóttir kona Eirfks Arnasonar á Sæbóli.

Benedikt var farinn að búa í Neðri Miðvík 1760 og hefur búið þar fram um 1770. Hefur líklega búið áður eitthvað á Sæbóli.

Jón Guðlaugsson

Jón Guðlaugsson. Fæddur 1748. Dáinn 23. febrúar 1819.

Hann var sonur Guðlaugs Ísleikssonar í Neðri Miðvík.

Kona: Þórdís, dáin 29. júlí 1818, Brandsdóttir, Jónssonar á Höfða í Grunnavíkurhreppi.

Börn:

• Guðlaugur Jónsson, bóndi í Efri Miðvík.
• Bjarni Jónsson, kvæntist ekki, en átti ein þrjú börn sitt með hverri, eitt með Steinunni Snorradóttur úr Höfn, annað með Þorgerði Árnadóttur og þriðja með Kristínu Davíðsdóttur í Stakkadal. Bjarni fluttist vestur í Bolungarvík 1818, ef til vill vegna barneignar með Kristínu og mun hann hafa dáið þar.
• Guðrún Jónsdóttir, átti fyrr Gunnar Sigurðsson úr Reykjafirði, síðar Odd Jónsson frá Hesteyri.
• Elísabet Jónsdóttir, var tvígift, en ekki er vitað hver fyrri maður hennar var. Seinni maður hennar var Jón Jónsson bóndi í Efri Miðvík.
• Karítas Jónsdóttir var þrígift, fyrsti maður hennar var Kristján Hermannsson í Görðum, annar maður Árni Magnússon á Faxastöðum og þriðji maður Guðmundur Gíslason á Höfða, Grunnavík.
• Jón Jónsson bóndi í Neðri Miðvík
• Kristrún Jónsdóttir, giftist ekki, en átti son Sumarliða Björnsson, drukknaði unglingur.
• Þórður Jónsson átti Katrínu Ketilsdóttur, bóndi í Skáladal.
• Ragnheiður Jónsdóttir, var hjá foreldrum sínum í Neðri Miðvík 1801 og sögð 22 ára.

Jón Guðlaugsson mun hafa byrjað búskap í Neðri Miðvík skömmu á eftir 1770 og bjó þar til æviloka. Var um skeið hreppstjóri. Hann er sagður hafa verið allmikill fyrir sér og hraustmenni hið mesta. Jón dó snögglega á milli Neðri Miðvíkur og Látra við svonefndan Jónsklakk.

Björn Jónsson

Björn Jónsson, Görðum

Gunnar Sigurðsson

Gunnar Sigurðsson. Fæddur um 1782. Dáinn 1814.

Foreldrar: Sigurður Jónsson bóndi i Reykjarfirői á Ströndum og kona hans Ingibjörg Sigmundsdóttir.

Kona: 1810, Guðrún, fædd 1775, dáin 14. marz 1827, Jónsdóttir, Guðlaugssonar í Neðri Miðvík. Hún átti síðar Odd Jónsson frá Hesteyri.

Börn: Friðbert Gunnarsson, fæddur 5. febrúar 1811. Var vinnumaður i Grunnavik. Ekki er vitað um, hvað af honum varð. Benóný Gunnarsson, fæddur 26. júní 1813, dáinn 30. apr. 1854, bóndi í Álfadal á Ingjaldssandi, faðir Maríasar Benónýssonar í Tungu og á Sæbóli. Sigrún Gunnarsdóttir, fædd 1810, dó ung.

Gunnar Sigurðsson bjó í Neðri Miðvík 1811-14.

Jón Jónsson

Jón Jónsson. Fæddur 2. febrúar 1790. Dáinn 6. apríl 1865.

Foreldrar: Jón Guðlaugsson bóndi í Neðri Miðvík og kona hans Pórdís Brandsdóttir.

Kona: Helga, f. 1783, d. 29. júní 1862, Þorgilsdóttir, Jónssonar í Selárdal, Súgandafirði.

Börn: Katrín Jónsdóttir, átti fyrr Friðrik Hallsson í Neðri Miðvík, síðar Jóhannes Jóhannesson í Efri Miðvík. Guðfinna Jónsdóttir, seinni kona Bjarna Þorsteinssonar á Hesteyri. Friðrik Jónsson bóndi í Neðri Miðvík. Jóhannes Jónsson bóndi í Stakkadal, (tvíburar). Borghildur Jónsdóttir, átti Finn Gestsson frá Sæbóli. Árni Jónsson húsmaður i Neðri Miõvík.

Börn Jóns utan hjónabands: 1. Með Margréti Halldórsdóttur vinnukonu, Guðfinna Jónsdóttir, giftist ekki. 2. Með Marsibil Halldórsdóttur, Borgar Jónsson bóndi í Þverdal.

Jón Jónsson bjó í Neðri Miðvík frá því um 1814 til dánardags. Var vel metinn og komst vel af.

Friðrik Hallsson

Friðrik Hallsson. Fæddur 1816. Dáinn 30. janúar 1840.

Foreldrar: Hallur Ívarsson siðar bóndi í Efri Miðvík og kona hans Þóra Hermannsdóttir.

Kona: 15. sept. 1834, Katrín, fædd 1814, dáin 8. marz 1878, Jónsdóttir, Jónssonar bónda í Neðri Miðvík. Hún var síðar seinni kona Jóhannesar Jóhannessonar í Efri Miðvík.

Börn: Kristján Friðriksson bóndi í Efri Miðvík. Svanborg Friðriksdóttir, átti Rósinkar Rósinkarsson bónda í Hælavík. Einar Friðriksson húsmaður og bóndi í Neðri Miðvík. Helga Friðriksdóttir, átti Sakkarías í Stakkadal. Herborg Friðriksdóttir, giftist ekki, en átti börn: Með Kára Ölafssyni frá Atlastöðum, Þórð Kárason á Látrum, kvæntist ekki. Með Árna Jónssyni, Herborgu Árnadóttur.

Friðrik Hallsson var fyrst vinnumaður í Neðri Miðvík eftir að hann kvæntist, en mun hafa verið þar húsmaður síðustu árin.

Friðrik Jónsson

Friðrik Jónsson. Fæddur 9. september 1822. Dáinn 10. maí 1888.

Foreldrar: Jón Jónsson bóndi í Neðri Miðvík og kona hans Helga Þorgilsdóttir.

Kona: 19. október 1844, Júdit, fædd 1812, dáin 22. febrúar 1861, Jónsdóttir, Jónssonar á Sléttu. Hún var áður gift Guõmundi Sigurðssyni bónda á Steinólfsstöðum.

Börn: Karólína Friðriksdóttir, átti Halldór Jónsson í Tungu i Skutulsfirði. Hann drukknaði í fiskiróðri 1. febr. 1877. Karólína átti eftir það heima á Ísafirði, d. 16. júní 1902. Guðrún Friöriksdóttir, átti fyrr Magnús Dósóþeusson á Látrum, síðar Þorkel Ísleifsson á Látrum. Kristjana Friðriksdóttir, átti Kristján Friðriksson bónda i Efri Miðvík. Karitas Friðriksdóttir, átti fyrr Sigurð Hermannsson á Sléttu, síðar Guðna Hjálmarsson bónda á Sléttu. Sigurlína Friðriksdóttir, átti Geirmund Guðmundsson á Atlastöðum. Kristrún Friðriksdóttir, fædd 28. apríl 1855, dáin 2. des. 1871. Jón Friðriksson, fæddiur 26 febrúar 1849, varð úti 23. desember 1863.

Friðrik Jónsson bjó í Neðri Miðvík 1844—62. Hann fluttist þá til Látra og átti þar heima eftir það.

Árni Jónsson

Árni Jónsson. Fæddur í apríl 1824. Dáinn 15. júlí 1862.

Foreldrar: Jón Jónsson bóndi í Neðri Miðvík og kona hans Helga Þorgilsdóttir.

Kona: 2. október 1849, Steinunn, fædd 26. april 1824, d. 14. mai 1862 Jóhannesdóttir, Jóhannessonar bónda í Skáladal, síðar í Efri Miðvík.

Börn: Finnbogi Árnason bóndi í Efri Miðvík, ólst upp hjá móðurföður sínum Jóhannesi bónda í Efri Miðvík. Ragnheiður Árnadóttir, dáin 3. desember 1907, ógift. Friðrik Árnason, fórst við fuglsig í Hælavíkurbjargi 13. júlí 1877, ókvæntur. Guðfinna Árnadóttir, fædd 1861, dáin 15. maí 1920, ógift.

Árni Jónsson var húsmaður í Neðri Miðvík frá 1850 til æviloka.

Einar Friðriksson

Einar Friðriksson. Fæddur 3. júlí 1839. Dáinn 26. nóvember 1883.

Foreldrar: Friðrik Hallsson í Neðri Miðvík og kona hans Katrín Jónsdóttir.

Kona: 22. september 1862, Ragnhildur, fædd 21. marz 1837, dáin 25. júní 1866, Jóhannesdóttir, Jóhannessonar bónda í Skáladal, síðar í Efri Miðvík.

Börn: Vigdís Einarsdóttir, fædd 29. júní 1860, dáin 26. nóvember 1943, kona séra Péturs Maacks á Stað í Grunnavík. Friðrik Einarsson, fæddur 2. marz 1862, kvæntist ekki. Steinunn Einarsdóttir, fædd 23. september 1863.

Einar Friðriksson var húsmaður og bóndi í Neðri Miðvík 1862-66. Var eftir það vinnumaður og húsmaður með börn sín. Hann andaðist i Efri Miðvík og var þá sagður ekkill, sjálfs sín.

Arnfinnur Kristjánsson

Arnfinnur Kristjánsson, Efri Miðvík

Finnur Gestsson

Finnur Gestsson. Fæddur 30. júní 1823. Dáinn 8. september 1884. Foreldrar: Gestur Helgason bóndi í Vatnadal í Súgandafirði, síðar bóndi á Sæbóli, og kona hans Guðrún Finnbjörnsdóttir.

Kona: 13. okt. 1847, Borghildur, f. 9. maí 1825, d. 7. febr. 1896, Jónsdóttir, Jónssonar bónda í N. Miðvik.

Börn: Jóhanna Finnsdóttir, átti Brynjólf Guðmundsson i Kjaransvík. Þorbjörg Finnsdóttir, þriðja kona Ísleifs Ísleifssonar í Hlöðuvík. Hansína Finnsdóttir, átti Kristján Jóhannesson] í Rekavík bak Höfn. Sigríður Finnsdóttir, átti Guðjón Kristjánsson bónda í Tunga. Guðrún Finnsdóttir, giftist ekki, var ráðskona Jóhannesar Sakaríassonar í Rekavík bak Höfn. Gestur Finnsson, dáinn 1. júní 1914, ókvæntur.

Sonur Finns með Sigurlaugu Einarsdóttur, Rósmundur Finnsson, dó á Ísafirði 26. júní 1904.

Finnur Gestsson mun hafa verið húsmaður á Sæbóli 1849–1851. Bóndi í Skáladal 1851-1859. Var á Sæbóli 1860. Aftur í Skáladal 1884. Bóndi í Neðri Miðvík 1865-1870 eða lengur. Húsmaður i Hlöðuvík 1880. Hann dó í Stakkadal.

Þorkell Ísleifsson

Þorkell Ísleifsson, Látur

Kristján Jónsson

Kristján Jónsson. Fæddur 20. júní 1846. Dáinn 4. ágúst 1923.

Foreldrar: Jón Björnsson bóndi í Rekavík bak Látur og kona hans Silfá Jónsdóttir.

Kona: 28. ágúst 1870, Kristín, fædd 7. júlí 1850, dáin 8. apríl 1941, Sigurðardóttir, Jónssonar bónda á Marðareyri, síðar á Hesteyri.

Börn: Sigriður Kristjánsdóttir, átti Bjarna Þorsteinsson bónda i Neðri Miðvík. Arnór Kristjánsson kaupmaður á Látrum og á Ísafirði. Albert Kristjánsson trésmiður á Ísafirði, átti Hermanníu Brynjólfsdóttur frá Sléttu, var seinni maður hennar. Sigurður Kristjánsson smiður, fór ungur til Ameríku. Jón Kristjánsson, bóndi i Þverdal, trésmíðameistari á Ísafirði og í Reykjavík.

Kristján Jónsson var húsmaður í Rekavík bak Látur 1870-76. Bóndi í Neðri Miðvík frá 1876 til æviloka.

Hannes Sigurðsson

Hannes Sigurðsson, Látur

Hermann Guðmundsson

Hermann Guðmundsson. F. 1. febrúar 1840. D. 4. desember 1910. Foreldrar: Guðmundur Sigurösson bóndi á Steinólfsstööum og kona hans Júdit Jónsdóttir.

Kona: 25. sept. 1873, Kristín, f. 2. júlí 1848, d. 8. jan. 1930, Hermannsdóttir, Sigurðssonar bónda á Sléttu.

Börn: Jóhanna Hermannsdóttir, dó ung og ógift. Jósef Hermannsson bóndi á Atlastöðum.

Hermann Guðmundsson var húsmaður og bóndi á Sléttu 1873—80. Bóndi í Neðri Miðvík 1890. Var kominn að Látrum 1901 og var þar til 1906. Hann var búsettur á Atlastöðum,þegar hann andaðist. Hermann var lengi formaður á sexæringum og smærri bátum, bæði frá Sléttu og Látrum.

Þorbergur Jónsson

Þorbergur Jónsson, Efri Miðvík

Halldór Þeófílusson

Halldór Þeófílusson. F. 28. apríl 1842. D. 5. desember 1916.

Foreldrar: Þeófílus Ólafsson bóndi á Látrum og kona hans Gróa Árnadóttir.

Kona: 6. sept. 1868, Kristjana, f. 22. sept, 1848, d. 29. maí 1920, Jónsdóttir, Björnssonar í Rekavík bak Látur.

Börn: Salbjörg Halldórsdóttir, giftist ekk. Alexander Halldórsson bóndi í N. Miðvík. Guðný Halldórsdóttir, átti Kristin Grímsson bónda á Horni. Guðmundur Halldórsson bóndi í N. Miðvík. Ingibjörg Halldórsdóttir giftist ekki. Elísabet Halldórsdóttir, átti Eirík Benjamínsson útvegsbónda á Hesteyri. Ólöf Halldórsdóttir, átti Sigurð Hallvarösson bónda í Görðum.

Halldór Þeófilusson var húsmaður og bóndi í Rekavík bak Látur 1868-90. Bóndi í Neðri Miðvík 1890 til dánardags.

Sigurður Friðriksson

Sigurður Friðriksson, Lækur

Bjarni Þorsteinsson

Bjarni Þorsteinsson. F. 14. júlí 1863. D. 1. ágúst 1919.

Foreldrar: Porsteinn Bjarnason bóndi á Læk, síðar í E. Miðvík, og kona hans María Jónsdóttir.

Kona: 5. okt, 1890, Sigríður, f. 9. ág. 1870, d. 5. júní 1911, Kristjánsdóttir, Jónssonar síðar bónda í N. Miðvík.

Börn: Þorsteinn Bjarnason bóndi í Neðri Miðvík. Jóhanna Bjarnadóttir, átti Guðmund Guðnason úr Hælavík. Sigurður Bjarnason, dó ungur. Margrét Bjarnadóttir, átti Guõmund Halldórsson bónda í Neðri Miðvik. Kristin Bjarnadóttir, átti Bjarna Þóroddsson póstmann í Reykjavík.

Bjarni Þorsteinsson bjó í Efri Miðvík 1890—1902. Bóndi í Þverdal 1902—06. Bóndi í Neðri Miðvík 1906—14. Fluttist til Hnífsdals 1914 og var lausamaður eftir þаð.

Alexander Halldórsson

Alexander Halldórsson. F. 5. janúar 1880. D. 12. okt. 1959.

Foreldrar: Halldór Þeófílusson bóndi í Rekavík bak Látur, síðar í N. Miðvík, og kona hans Kristjana Jónsdóttir.

Kona: 20. des. 1920, Jóna Georgína, f. 12. júlí 1893, d. 21. febr. 1933, Bjarnadóttir.

Börn: Kristjana Alexandersdóttir, f. 30. maí 1923, óg. Gróa Alexandersdóttir, f. 26. júlí 1924, ólst upp á Horni hjá Kristni Grímssyni, áti Gísla Hannesson bifvélavirkja í Reykjavik. Halldór Alexandersson,f. 19. nóv. 1927, rafsuðumaður í Reykjavík. Magnús Alexandersson, f. 27. jan. 1930, bifvélavirki í Reykjavík, ókv.

Alexander var bóndi í Neðri Miðvík 1912-47. Fluttist þá til Reykjavikur.

Guðmundur Halldórsson

Guðmundur Halldórsson. F. 1. júní 1884.

Foreldrar: Halldór Þeófílusson bóndi í Rekavík bak Látur, siðar i N. Miövík, og kona hans Kristjana Jónsdóttir.

Kona: 28. okt. 1916, Margrét, f. 19. maí 1895, Bjarnadóttir, Þorsteinssonar bónda í E. Miövík, síðar í N. Miðvík.

Börn: Laufey Jakobína Guðmundsdóttir, kona Sölva Jónssonar í Stakkadal. Sigríður Kristjana Guðmundsdóttir, kona Bjarna Magnússonar trésmiðameistara á Látrum. Albert Kristján Guðmundsson skólastjóri, f. 29. april 1929, kvæntur Gurli Daltrúp. Halldór Guðmundsson, f. 10. júlí 1922, pípulagningamaður í Reykjavík. Ingibjörg Sólrún Guðmundsdóttir, f. 29. jan. 1936, kona Oddgeirs Steinpórssonar trésmíðameistara í Reykjavík. Bjarnveig Jensey Guomunds dőttir, f. 16. jůní 1926, kona Agnars Askelssonar bifreiðarstjóra í Keflavik.

Guðmundur var húsmaður og bóndi í Neðri Miðvík 1917-31. Húsmaður og bóndi á Látrum 1931—47. Fluttist til Bolungarvíkur og siðar til Reykjavíkur.

Þorsteinn Bjarnason

Þorsteinn Bjarnason. F. 16. júlí 1892.

Foreldrar: Bjarni Þorsteinsson bóndi í E. Miðvík síðar i N. Misvík og kona hans, Sigríður Kristjánsdóttir.

Kona: 18. okt. 1913, Hólmfriður Ragnheiður, f. 20. nóv. 1890, d. 3. ág. 1921, Guömundsdóttir.

Börn: María Herborg Þorsteinsdóttir, f. 6. des. 1912, kona Jóns Helgasonar bónda á Eyri í Skötufirði. Pálína Valgerður Þorsteinsdóttir, f. 1. júní 1914, kona Ragnars Helgasonar, Hlíð í Álftafirði. Hjálmfríður Ólöf Þorsteinsdóttir, f. 15. jan. 1916, átti Svavar Kjærnested. Skildu. Sigurður Hjálmar Þorsteinsson bóndi í N. Miðvík. Kristinn Guðjón Þorsteinsson, f. 25. des. 1919, ólst upp í Görðum hjá Híram Jónssyni, verkamaður í Reykjavík.

Þorsteinn Bjarnason var húsmaður og bóndi í Neðri Miðvík 1914-1948. Hann fluttist inn í Súðavík og var síðan búsettur þar.

Sigurður Hjálmar Þorsteinsson

Sigurður Hjálmar Þorsteinsson. Fæddur 6. marz 1918.

Foreldrar: Þorsteinn Bjarnason bóndi í Neðri Miðvík og kona hans Hólmfríður Guömundsdóttir.

Kona: Matthildur, fædd 21. marz 1923, Elíasdóttir, Kristjánssonar bónda á Lágafelli á Snæfellsnesi.

Börn: Hafþór Vestfjörö Sigurðsson, fæddur 16. febrúar 1943, kennari. Ragnar Vestfjörð Sigurðsson, fæddur 17. janúar 1444. Porsteinn Sigurðsson. Sigþór Vestfjörð Sigurðsson. Hjördis Svava Sigurðardóttir.

Sigurður Þorsteinsson var bóndi i Neðri Miðvík 1943—46. Fluttist þá suður á Seltjarnarnes, siðar til Reykjavíkur.

Guðmundur Guðnason

Guðmundur Jón Guðnason. F. 11. nóvember 1890.

Foreldrar: Guðni Kjartansson bóndi í Hælavík og kona hans Hjálmfríður Ísleifsdóttir.

Kona: 2. sept. 1922, Jóhanna, f. 21. ágúst 1891, Bjarnadóttir, Þorsteinssonar í Efri-Miðvík.

Börn: Bjarney Sigríður Guðmundsdóttir, f. 14. ágúst 1918, kona Ögmundar Þorkelssonar verkamanns í Reykjavík. Guðrún Soffía Guðmundsdóttir, f. 15. ágúst 1918 (þær tvíburar) kona Kristófers Jónssonar verkamanns í Reykjavík. Kjartan Hafsteinn Guðmundsson, f. 18. júní 1923, blikksmíðameistari á Akranesi, Kvæntur Auði Elíasdóttur frá Þingeyri. Herdís Salbjörg Guðmundsdóttir, f. 3. sept. 1929, kona Sigurjóns Jóhannessonar, cand. mag., skólastjóra gagnfræðaskólans á Húsavík.

Guðmundur Guðnason stundaði bjargsig hvert vor um þrjátíu ára skeið. Hann var bóndi á Búðum í Hlöðuvík 1920-1937. Bjó á Stað í Aðalvík 1937-38, í Neðri-Miðvík 1938-41. Húsmaður á Látrum 1941-43. Hann fluttist suður í Leiru 1943, en var lengst búsettur í Keflavík eftir að hann fluttist suður.