Skáladalur

Ábúendur

Sigurður Guðmundsson

Hann bjó ókvæntur og barnlaus í Skáladal 1703. Meira er ekki um hann vitað.

Ólafur Björnsson

Ólafur Björnsson. Fæddur um 1673. Dánarár ókunnugt.

Ólafur bjó í Skáladal 1710, en ekki er vitað hve lengi eftir það. Líklega er það sá Ólafur, sem var vinnumaður á Hesteyri 1703.

Jón Bjarnason

Jón Bjarnason. F. um 1692, var á lífi 1753.

Hann mun hafa verið sonur Bjarna Jónssonar á Látrum og konu hans Guðrúnar Guðlaugsdóttur. Hann bjó í Skáladal 1735, en var bóndi í Hælavík 1753.

Í þjóðsögum er sagt, að Snorri Björnsson, prestur á Stað í Aðalvík og síðar á Húsafelli, hafi átt í galdrasviptingum við Jón, gamlan bónda í Hælavík. Ef til vill hefur það verið þessi Jón.

Einar Þorláksson

Einar Þorláksson. Fæddur um 1699. Var á lífi 1762.

Foreldrar: Þorlákur Bárðarson bóndi á Kaldrananesi í Bjarnarfirði á Ströndum og kona hans Guðrún Einarsdóttir

Ekki verður með vissu sagt hver börn Einars hafa verið, en líklega má telja að meðal þeirra hafi verið: Ólafur Einarsson bóndi á Látrum, Einar Einarsson bóndi á Læk og ef til vill Halldóra Einarsdóttir, sem bjó ekkja á Horni 1787.

Einar var ekki kominn í Skáladal 1744, en var farinn að búa þar 1753 og bjó þar fram yfir 1762. Líklega hefur Ólafur Einarsson búið nokkur ár í Skáladal, áður en hann fluttist að Látrum.

Finnur Gestsson

Finnur Gestsson. Fæddur 30. júní 1823. Dáinn 8. september 1884. Foreldrar: Gestur Helgason bóndi í Vatnadal í Súgandafirði, síðar bóndi á Sæbóli, og kona hans Guðrún Finnbjörnsdóttir.

Kona: 13. okt. 1847, Borghildur, f. 9. maí 1825, d. 7. febr. 1896, Jónsdóttir, Jónssonar bónda í N. Miðvik.

Börn: Jóhanna Finnsdóttir, átti Brynjólf Guðmundsson i Kjaransvík. Þorbjörg Finnsdóttir, þriðja kona Ísleifs Ísleifssonar í Hlöðuvík. Hansína Finnsdóttir, átti Kristján Jóhannesson] í Rekavík bak Höfn. Sigríður Finnsdóttir, átti Guðjón Kristjánsson bónda í Tunga. Guðrún Finnsdóttir, giftist ekki, var ráðskona Jóhannesar Sakaríassonar í Rekavík bak Höfn. Gestur Finnsson, dáinn 1. júní 1914, ókvæntur.

Sonur Finns með Sigurlaugu Einarsdóttur, Rósmundur Finnsson, dó á Ísafirði 26. júní 1904.

Finnur Gestsson mun hafa verið húsmaður á Sæbóli 1849–1851. Bóndi í Skáladal 1851-1859. Var á Sæbóli 1860. Aftur í Skáladal 1884. Bóndi í Neðri Miðvík 1865-1870 eða lengur. Húsmaður i Hlöðuvík 1880. Hann dó í Stakkadal.