Glúmsstaðir

Ábúendur

Abraham Sveinsson

Abraham Sveinsson, Efri-Miðvík

Guðmundur Snorrason

Guðmundur Snorrason. Fæddur um 1770. Dáinn 26. ágúst 1811.

Hann mun hafa verið sonur Snorra Einarssonar í Höfn.

Kona: Margrét Jónsdóttir, fædd um 1774.

Barn: Valgerður Guðmundsdóttir.

Guðmundur bjó í Smiðjuvík í Grunnavíkurhreppi 1801, en var orðinn bóndi á Glúmsstöðum 1810 og hefur líklega verið kominn þangað 1808. Hann mun hafa drukknað með séra Guðmundi Sigurðssyni á Stað. Margrét, ekkja Guðmundar, bjó á Glúmsstöðum 1811, en hvað um hana hefur orðið er ekki vitað.

Sigurður Björnsson

Sigurður Björnsson. Fæddur um 1774. Dáinn 26. maí 1820.

Foreldrar: Björn Jónsson bóndi í Neðri Miðvík og kona hans Hildur Ólafsdóttir.

Kona: Kristín, Jónsdóttir, Þorkellssonar á Atlastöðum.

Börn: Agnar Sigurðsson húsmaður í Kjaransvík. Sigríður Sigurðardóttir, fædd 1814, ólst upp í Vatnsfirði, átti Bjarna Einarsson á Hálshúsum í Vatnsfjarðarsveit. Sigurhildur Sigurðardóttir, dáin 10. febrúar 1857. Hún ólst upp hjá móðursystur sinni, Ragnheiði Jónsdóttur á Hesteyri. Sigurður Sigurðsson, dáinn 10. júlí 1872, ókvæntur vinnumaður. Barn hans með Ingibjörgu Jónsdóttur, Ívarssonar, Guðrún Sigurðardóttir, fyrri kona Pálma Jónssonar í Rekavík bak Látur.

Sigurður Björnsson var húsmaður á Atlastöðum 1810. Var í Hælavík 1811, en mun hafa verið við búhokur á Glúmsstöðum 1812-15. Sagnir herma, að Kristín kona hans hafi látizt þar í volæði eftir barnsburð. Sigurður varð holdsveikur, 1816 var hann karaómagi á Látrum.

Helgi Guðmundsson

Helgi Guðmundsson. Fæddur 1794. Dáinn 3. apríl 1865.

Foreldrar: Guðmundur Guðmundsson bóndi í Þverdal og kona hans Hildur Ólafsdóttir

Kona 1: Rannveig, fædd 1795, dáin 29. marz 1823, Þorsteinsdóttir, ólst upp í Kvíum í Jökulfjörðum.

Börn: Benóný Helgason, dáinn 7. október 1835 úr holdsveiki, ókvæntur. Hjálmar Helgason fæddur 22. júní 1822, fluttist með sérs Stefáni Hanssyni austur í Fljótshlíð.

Kona 2: 24. apríl 1831, Guðrún, fædd 1791, dáin 2. maí 1863, Eyjólfsdóttir, Snjólfssonar á Hesteyri.

Barn: Herborg Helgadóttir, giftist ekki, en átti son með Rósinkar Mikaelssyni í Kjaransvík, Benóný Rósinkarsson, dó átta ára.

Helgi var bóndi á Glúmsstöðum 1822-1836. Hann var niðursetningur á Látrum 1840 og virðist hafa verið sjúklingur á sveit eftir það.

Ásgeir Halldórsson

Ásgeir Halldórsson. F. 29. febrúar 1804. D. 25. nóvember 1852.

Foreldrar: Halldór Guðmundsson bóndi í Þverdal og fyrri kona hans Hildur Tómasdóttir.

Kona. 29. sept. 1832, Soffía Mahalaleelsdóttir, ekkja Þórðar Jónssonar húsmanns á Atlastöðum.

Börn: Þórður Ásgeirsson, Tómas Ásgeirsson, dóu báðir ungir. Þórdís Ásgeirsdóttir, varð holdsveik.

Ásgeir bjó á Glúmsstöðum 1833-35. Húsmaður í Rekavík bak Höfn 1836-40. Húsmaður í Hlöðuvík 1845-50, dó í Hælavík.

Hjálmar Jónsson

Hjálmar Jónsson. Fæddur 1. maí 1805. Dáinn 5. marz 1842.

Foreldrar: Jón Jónsson bóndi á Stað, síðar á Sléttu, og kona hans Herdís Gísladóttir.

Kona: 15. september 1832, Hildur, fædd 1814, dáin 16. ágúst 1871, Ólafsdóttir, Ólafssonar á Læk. Hún átti síðar Jóstein Jónsson.

Börn: Jón Hjálmarsson bóndi á Látrum. Sigurður Hjálmarsson húsmaður á Sæbóli.

Hjálmar var fyrst við búskap á Sléttu. Bóndi á Glúmsstöðum 1837-40. Bóndi í Kjarnsvík 1840-42. Ekkja hans bjó þar áfram og giftist aftur Jósteini Jónssyni. Bjuggu þau í Kjaransvík til 1852.

Hjálmar varð bráðkvaddur á leið til Hesteyrar.

Jón Árnason

Jón Árnason. F. 1801. D. 19. desember 1869.

Foreldrar: Árni Jónsson vinnumaður á Ósi í Bolungarvík og kona hans Margrét Þorsteinsdóttir.

Kona: María Pétursdóttir, d. 18. júní 1853, Jósefssonar bónda á Álfsstöðum og í Hlöðuvík.

Börn: Árni Jónsson húsmaður í Skáladal. Friðrik Jónsson, kvæntist ekki. Margrét Jónsdóttir, Sigríður Jónsdóttir og Solveig Jónsdóttir.

Jón var húsmaður á Hesteyri 1839. Bóndi á Glúmsstöðum 1840-44. Bóndi í Hlöðuvík 1844-56. Var eftir það í vinnumennsku, síðast vinnumaður á Sæbóli og varð þar úti á milli bæja.

Engilbert Mikaelsson

Engilbert Mikaelsson. Fæddur 1804. Dáinn 17. júní 1877.

Foreldrar: Mikael Björnsson bóndi í Þverdal, síðar í Kjaransvík og kona hans Guðrún Þorsteinsdóttir.

Kona: 20. september 1835, Borghildur Guðmundsdóttir, ekkja Níelsar Tómassonar í Efri Miðvík. Barnlaus.

Engilbert var húsmaður á Stað í Aðalvík 1840. Bóndi á Glúmsstöðum 1845-1858. Húsmaður í Skáladal 1860. Var eftir það vinnumaður.

Guðmundur Björnsson

Guðmundur Björnsson. Fæddur 23. ágúst 1824. Dáinn 24. september 1887.

Foreldrar: Björn Guðmundsson bóndi í Rekavík bak Látur og kona hans Þorgerður Jónsdóttir.

Kona: 28. september 1854, Rannveig, fædd 23. júlí 1833 dáin 4. janúar 1898, Jóhannesdóttir Jóhannessonar á Hesteyri, síðar bónda í Efri Miðvík.

Börn: Magnús Guðmundsson, fæddur 11. ágúst 1857, dáinn 26. júní 1888, drukknaði með Magnúsi Elíassyni á Dynjanda í Jökulfjörðum, ókvæntur. Þorbjörn Guðmundsson, fæddur 27. ágúst 1864, lengst búsettur á Flateyri. Margrét Guðmundsdóttir, kona Vagn Benediktsson á Hesteyri. Benedikt Guðmundsson, fæddur 25. september 1862, daínn 31. desember 1938, ókvæntur. Sonur hans Guðmundur Ragnar Benediktsson. Benedikt var búsettur í Hnífsdal. Vigdís Guðmundsdóttir giftist ekki. Ragnhildur Guðmundsdóttir giftist ekki. Pálmi Guðmundsson, fluttist unglingur vestur á Ingjaldssand, fórst af slysförum á Sólbakka í Önundafirði ókvæntur 17. apríl 1899.

Guðmundur Björnsson bjó í Rekavík bak Látur 1854-88. Bóndi á Glúmsstöðum frá 1858 til æviloka.

Marías Benónýsson

Marías Benónýsson, Tungu

Knut Hertervig

Knut Hertervig

Jóhannes Elíasson

Jóhannes Elíasson, Látrum

Jósef Sigurðsson

Jósef Sigurðsson, Tungu

Hjálmar Kristjánsson

Hjálmar Kristjánsson, Tungu

Ottó Helgi Guðlaugsson

Ottó Helgi Guðlaugsson. Fæddur 19. apríl 1855. Dáinn 31.október 1924.

Foreldrar: Guðlaugur Hallgrímsson bóndi á Eyvindará á Flateyjardal, Suður-Þingeyjarsýslu, og kona hans Lilja Bjarnadóttir.

Kona: 30. nóvember 1882, Jóhanna Þuríður Halldórsdóttir. Þau slitu samvistir 1889.

Barn: Lilja Ottósdóttir, fædd 6. nóvember 1883, dó þriggja ára.

Ráðskona Ottós var: Halldóra, fædd 5. september 1863, Sigurðardóttir, Jónssonar bónda á Kvíavöllum í Útskálasókn.

Börn: Jón Ottósson, fæddur 14. júní 1891, lengst búsettur á Hólmavík, átti Maríu Bjarnadóttur frá Bólstað í Steingrímsfirði. Einar (skrifar sig Helgason) fæddur 14. ágúst 1893, sjómaður í Reykjavík. Björg Margrét Ottósdóttir, fædd 18. nóvember 1895, húsfreyja á Akureyri. Guðrún Ottósdóttir, fædd 14. desember 1899, átti Hjört Guðjón Samsonarsonar bónda í Sunndal í Bjarnarfirði á Ströndum. Hallgrímur Ottósson, fæddur 22. júlí 1905, sjómaður á Bíldudal.

Ottó bjó í Reykjavík 1882-89. Þaðan flutti hann suður í Útskálasókn og var bóndi á Fitjum 1892-95. Fluttist þaðan vestur að Ísafjarðardjúpi. Var á Bæjum á Snæfjallaströnd 1899 og þar i sveit til 1903, að hann kom að Glúmsstöðum í Fljóti og var þar í eitt ár. Bóndi í Kjaransvík 1904-06. Búsettur í Bolungarvík 1906-17. Hann mun þá hafa flutzt norður í Fnjóskadal, en hann dó í Stærra-Árskógi í Eyjafirði.

Híram Jónsson

Híram Jónsson, Görðum

Hermann Friðriksson

Hermann Friðriksson, Atlastöðum

Jón Þorkelsson

Jón Þorkelsson, Látrum